Nagpahigayon og Technical Briefing ang Provincial Capitol alang sa CY 2025 Local Government Unit (LGU) Assessment, nga gitambongan sa mga Chiefs of Offices, provincial officers, ug key technical personnel. Ang kalihokan kabahin sa mas lapad nga paningkamot sa probinsya sa pagpalig-on sa sistema sa pagdumala ug pag-align sa lokal nga mga programa sa national development priorities.
Gipangunahan sa mga representante sa Department of the Interior and Local Government (DILG) ang paglatid sa gi-revise nga Local Government Performance Management System (LGPMS). Usa sa mayor nga kausaban mao ang pag-adopt sa three-year, term-based assessment cycle nga motakdo sa termino sa mga piniling opisyal, aron masiguro ang continuity sa mga programa, mas hapsay nga transisyon sa liderato, ug mas klarong accountability sulod sa matag termino.
Gipaila usab ang tiered recognition ug incentive structure nga nagtugot sa mas patas nga pag-ila sa performance sa LGUs base sa lebel sa compliance ug resulta. Mas gipunting sa bag-ong framework ang measurable outcomes sama sa mas maayong basic services, lig-on nga disaster preparedness and response, sound financial management, ug mas taas nga citizen satisfaction, samtang gipagaan ang reporting pinaagi sa pagtangtang sa redundant indicators.
Ang maong briefing nagpakita sa proactive nga baruganan sa probinsyal nga panggamhanan sa pagpangandam alang sa 2025 assessment cycle, uban ang padayon nga pagpalig-on sa transparency, accountability, ug episyente nga pagserbisyo sa katawhan.(JENIFFER JR. DELICA)
Source: Zamboanga del Norte Provincial News Network