Napili ang Dipolog Livelihood Distribution Inc. isip usa sa duha lamang ka SETUP-assisted enterprises nga miagi sa regional evaluation alang sa 2026 SETUP Praise Award nga gipahigayon sa Department of Science and Technology Regional Office IX (DOST-IX) niadtong Hulyo 30 sa Zamboanga City.
Ang Dipolog-based nga kompanya ug ang Diamond Noodles Factory sa Ipil, Zamboanga Sibugay maoy duha ka negosyo nga gipakita sa regional evaluation isip mga talagsaong benepisyaryo sa Small Enterprise Technology Upgrading Program (SETUP).
Atol sa ebalwasyon, gipresentar sa matag nominado ang ilang mga kalampusan sa negosyo, paggamit sa mga teknolohiyang gisuportahan sa DOST, ug ang epekto sa programa sa pagpalambo sa ilang operasyon ug kompetisyon sa merkado.
Gisusi sa screening committee ang mga presentasyon base sa gitakdang sukdanan aron mapili ang regional awardee nga morepresentar sa DOST-IX sa national search.
Kini nga SETUP Praise Award naghatag og pag-ila sa mga micro, small, ug medium enterprises nga nakapakita og talagsaong pag-uswag pinaagi sa paggamit sa science, technology, ug innovation interventions ubos sa SETUP.(IKEN B. GULLEM)
Source: DOST Regional Office No. IX