Gipanghatagan og cash gift ang 237 ka senior citizen sa Dipolog City atol sa ika-upat nga hugna sa Expanded Centenarian Act of 2024. Ang mga tigulang nga nag-edad 80, 85, 90 ug 95 nakadawat og ₱10,000 matag usa, samtang usa ka sentenaryo ang nakadawat og ₱100,000.
Gitambongan ni Mayor Roberto Y. Uy ug Gobernador Darel Dexter T. Uy ang kalihokan nga nagpasidungog sa kontribusyon sa mga tigulang ug nagtumong sa pagtabang sa ilang panglawas ug adlaw-adlaw nga panginahanglan.
Ang Dipolog City maoy unang dakbayan sa probinsya nga nagpatuman sa pinalapad nga benepisyo ubos sa maong balaod.(Jeniffer Jr. Delica)
Source: PIA ZAMBOANGA DEL NORTE