Sa usa ka mahinungdanon lakang, personal nga gipangulohan ni Dapitan City Mayor Evelyn T. Uy ang Clean- up Drive sa duha ka iladong pasyalan sa Dapitan- Rizal Park ug Sunset Boulevard isip pagpangandam sa umaabot nga PEP Mindanao Travel Expo (MTEX) nga gipahigayon kaniadtong Oktubre 14, 2025.
Ang Clean-up drive usa ka lakang sa padayon nga inisyatibo sa City Government of Dapitan aron palig-onon ang kampanya sa kahapsay ug pagpanalipod sa kinaiyahan. Ilabina usab nga nagkadool na ang PEP-MTEX, usa ka dako nga aktibidad sa rehiyon nga magdala og daghang bisita sa siyudad.
Ang maong kalihokan inubanan nila Vice Mayor Gabriel M. Cad, mga sakop sa Sangguniang Panlungsod, ug City Administrator Danilo S. Areños Jr.
Mitabang usab ang daghang mga boluntaryo, empleyado sa syudad, ug mga representante sa lokal nga sektor.
Samtang panawagan sa City Government sa tanang sektor nga magtinabangay sa pagpanglimpyo ug pagpreserbar sa kahapsay sa Dapitan.(Iken B. Gullem)
Source: City Government of Dapitan