Naghimo og usa ka lecture ang Dipolog City Fire Station kabahin sa First Aid ug Basic Life Support (BLS) alang sa mga Children with Special Needs. Gipangulohan kini ni FSINSP Aprilyn B. Barbasso, Acting City Fire Marshal sa Dipolog City.
Gitambagan dinhi ang mga partisipante unsaon husto nga pag-atiman sa emerhensiya nga naglakip sa mga bata nga adunay developmental, behavioral, o physical nga espesyal nga panginahanglan.
Gibug-aton sa lecture ang husto ug malumo nga pag-atubang sa mga bata, sakto nga pakigstorya nila, ug ang luwas nga paagi sa paghatag og tabang kung adunay emerhensiya.”
Nakatabang ang kalihokan sa pagpalig-on sa kahibalo ug kahanas sa mga partisipante aron masiguro ang mas paspas ug hapsay nga pagtubag kung adunay emerhensiya nga naglakip sa mga espesyal nga bata.(JENIFFER JR. DELICA)
Source/Photo Courtesy: BFP R9 Dipolog City Fire Station