Nadakpan sa kapulisan ang usa ka 36-anyos nga lalaki sa Brgy. Sulangon, Dapitan City pagkahuman nila mopatuman og search warrant niadtong nilabayng adlaw. Nakuha sa mga operatiba ang 4 gramos nga gituohang shabu nga gibanabana og kantidad nga P27,200.
Gipahigayon ang operasyon sa Dapitan City Police Station uban ang tabang sa 5th SOU MG ug 1st ZNPMFC. Ang suspek anaa na sa kustodiya sa Dapitan CPS samtang giandam ang kaso batok niya, ug ang nakumpiskar nga mga butang gidala sa ZN Provincial Forensic Unit-9 alang sa chemical examination.
Gipahimangnoan sa Dapitan City Police Station ang publiko nga magmatngon ug dayon mosulti sa mga otoridad kung adunay makita nga kalihokan nga nalambigit sa iligal nga droga.(JENIFFER JR. DELICA)
Source: Dapitan Police Station ZNPPO