Gidumala sa mga opisyal sa Bureau of Fire Protection ang paghimo og Operational Readiness, Site Inspection and Troop Evaluation o ORSITE sa Dipolog City Fire Station aron masiguro nga andam ug hapsay ang operasyon sa estasyon.
Misusi sa estasyon sila FSINSP Randall S. Carpio sa Human Resource Management, FCINSP Rommel S. Carpio sa Regional Operations, ug FCINSP Genel H. Cagulada sa Regional Legal. Ilang giklaro ang kahimtang sa ekipo, personahe, ug pagtuman sa fire safety.
Gipasiguro usab ni FSINSP Aprilyn B. Barbaso nga andam ang tanang sakop ug gamit sa Dipolog City Fire Station aron makaresponde dayon sa emerhensiya, ilhanan sa padayon nilang paningkamot nga maprotektahan ang katawhan.(JENIFFER JR. DELICA)
Source/Photo Courtesy: BFP R9 Dipolog City Fire Station