Dugang nga teknolohiya ang gihatag alang sa mga health facilities sa Zamboanga del Norte human nagturn-over ang Department of Information and Communications Technology (DICT) Regional Office IX ug BASULTA og mga tablet gadgets nga gamiton sa telemedicine program sa probinsya.
Ang mga maong tablet ipang-deploy sa mga ospital ug Rural Health Unit (RHU) aron magamit sa online medical consultation ug koordinasyon tali sa local health workers ug mga espesyalistang doktor.
Samtang, personal nga gidawat ni Darel Dexter T. Uy ang mga kagamitan atol sa ceremonial turnover nga gipahigayon sa Zamboanga del Norte Convention and Exhibition Center sa Dipolog City.
Gipangunahan usab kini ni Cheryl C. Ortega isip kabahin sa inisyatibo sa DICT nga mapalapad ang paggamit sa digital technology sa sektor sa panglawas.
Ang paggamit sa mga digital devices giisip nga usa ka importante nga lakang aron mapalambo ang healthcare delivery sa probinsya ug mapaduol ang serbisyo panglawas sa mga komunidad.(IKEN B. GULLEM)
Source: Zamboanga del Norte Provincial News Network