Ang Department of Agrarian Reform (DAR)sa Zambonga del Norte,niduyog sa pag saulog sa National Women’s Month subay sa temang “Babae sa Lahat ng Sektor, Aangat ang Bukas sa Bagong Pilipinas,” kini nga serye sa selebrasyon gipatigayon niadtong Marso 5, 2025.
Ang maong kalihokan gipangunahan ni PARPO II Rizzel Villanueva, nagtataw sa mahinungdanong epekto sa kababayen-an sa nagkalain-laing natad ug pagpalig-on sa pasalig sa gender equality diin sa nasangpit nga kalihokan gisugdan sa usa ka parada, ug gisundan usa ka santos nga misa nga gipangulohan ni Rev. Fr. Rodel Enderez, dungan sa pag obserbar sa Ash Wednesday, inubanan sa usa ka homiliya nga naglatid sa gibug-aton sa kamahinungdanon sa pagka mapainubsanon.
Naglantaw sa mahinungdanong kontribusyon sa kababayen-an sa pag-umol sa usa ka progresibo ug inklusibo nga kaugmaon usa ka matang sa pahinumdom sa kongregasyon nga dili manghambog.
Sa samang higayon ang DAR Provincial Office (DARPO), pinaagi sa Gender and Development Committee, nag-curate sa nagkalain-laing mga epekto nga mga kalihokan nga gidesinyo sa pagdasig ug pag-edukar samtang nagpasiugda sa mga katungod ug empowerment sa kababayen-an ,nga pinaagi niini gihiusa ang mga partisipante aron ipakita ang ilang panaghiusa ug ang importansya sa kababayen-an sa tanang sektor.
Dugang pa kalabot niining kalihokan adunay gitanyag nga screening para sa kahimsog, lakip ang pagsusi sa presyon sa dugo, pag-deworming, ug pag-apod-apod sa mga tablet sa filariasis nga kondisyon.
Sa kinatibuk-ang bahin sa programa gipakita ang hiniusang paningkamot empowerment ug solidarity sa pag-abag sa mga personahe sa DAR aron magpabalin ang pasalig sa katilingban alang sa mga kababayen-an sa tanang aspeto sa kinabuhi.(Medalyn U. Borja)
Source: DAR Zambonorte