Usa ka certificates of recognition ang gitanyag sa buhatan sa DENR IX,ngadto sa City Government of Dipolog ug sa City Environment and Natural Resources Office sa marine turtle conservation ug hatchery program, atol sa Araw ng Parangal niadtong Hunyo 24, 2025, didto sa DENR IX Regional Office sa Pagadian City.
Kini nga pag-ila usa ka timaan sa ilang walay pu-as nga paningkamot sa kagamhanan sa dakbayan sa pagpanalipod,pagkonserba ug malungtarong pagdumala sa siyudad sa populasyon sa pawikan sa dagat ug sa ilang mga pinuy-anan.
Gihatagan niinig gibug-aton ang usa ka testamento sa dakbayan sa pagka dedikado sa mga personahe sa City ENRO, Boulevard Management, CENRO Manukan, PENRO, mangingisda, barangay, coastal communities, concerned citizens sa pagpanalipod sa mga pawikan nga nagsalag sa kabaybayonan sa dakbayan sa Dipolog,pinaagi sa padayong suporta sa konserbasyon nga mapreserbar ang biodiversity ug marine ecosystem ug aron magpadayon ang paghimo sa mahinungdanong aksyon sa pagpanalipod niini.(Medalyn U. Borja)
Source: Dipolog ENRO