“Walay pinakalayo nga lugar sa akong pagpangalagad, ang pinakalayo nga lugar mao ang akong unang adtoan”, mao kana ang gibutyag ni Cagayan de Oro 1st District Representive Congressman Atty Lordan Suan sa pangutana kung nganong sa pinakalayo ug katapusang Brgy. Sa Cagayan de Oro kini nadesisyonan nga manumpa sa iyang katungdanan alang sa ikaduhang termino niini sa Brgy. Besigan ning dakbayan.
Nanumpa si Suan atubang ni Kap. Samuel Minister dungan sa iyang pasalig nga dugang proyekto sa brgy sa sa suga sa kadalanan, Brgy. ug Tribal Hall, panginabuhian ug uban pa. Paningkamotan usab niini nga makatukod og tunghaan sa dapit.
Kauban ug misaksi sa iyang pagpanumpa si Misamis Oriental 2nd district representative Bambi Emano, amahan niining si Jun Suan, igsoon nga si Aga Suan, mga konsehal sa dakbayan sa Distrito 1 ug 2, SK officials, Punong Brgy ubos sa hugpong sa Padayon Pilipino, mga lumad, ug hugot nga supporta sa mga Besiganon