Aktibong mitambong si MARPO Anjanette V. Nemiaga sa miting sa Municipal Zoning Board of Adjustment and Appeals (MZBAA) nga gihimo sa Mayor’s Conference Hall sa lungsod sa Piñan, niadtong milabay nga adlaw.
Isip Municipal Agrarian Reform Program Officer (MARPO), miambit si Nemiaga og hinungdanong mga input kalabot sa zoning ug land use regulations sa munisipyo, ilabi na sa isyu sa land use conversion. Iyang gipatin-aw ang kalainan tali sa reclassification sa Local Government Unit (LGU) ug sa land use conversion nga sakop sa Department of Agrarian Reform (DAR).
Sumala sa diskusyon, ang reclassification nagtumong sa pagtakda sa posible nga paggamit sa yutang agrikultural alang sa dili-agrikultural nga katuyoan sumala sa land use plan sa LGU, samtang ang conversion mao ang aktuwal nga pag-usab sa paggamit sa yuta nga nagkinahanglan og aprobasyon gikan sa DAR.(IKEN B. GULLEM)
Source: DAR ZAMBONORTE