Opisyal nga pagasugdan karong Lunes, Enero 26, 2026, ang Ceremonial Selling sa Kuyog Ta sa Benteng Bigas ng Pangulo sa Brgy. Canlucani, Dapitan City Covered Court, isip kabahin sa paningkamot sa national government ug City Government of Dapitan sa paghatag og barato ug de-kalidad nga bugas sa katawhan.
Ibaligya ang bugas Php 20.00 matag kilo, nga dakong tabang ilabi na sa mga pamilyang naapektuhan sa padayon nga pagsaka sa presyo sa mga palaliton.
Sumala sa mga opisyal sa siyudad, ang programa ipatuman sa tanang barangay sa Dapitan City aron mas daghang Dapitanon ang makabenepisyo. Kini usab kabahin sa mas lapad nga tumong sa gobyerno sa pagpalig-on sa food security ug pagsuporta sa sektor sa agrikultura.
Samtang, alang sa dugang kasayuran, gidasig ang publiko nga moduol lamang sa City Agriculture Office aron matubag ang mga pangutana.(IKEN B. GULLEM)
Source: City Government of Dapitan