Opisyal nga gi-turnover sa Department of Agrarian Reform Employees Cooperative ang bag-ong handrails sa footbridge sa Barangay Sta. Isabel niadtong Pebrero 27, 2026 isip kabahin sa padayon nilang community development program. Ang kalihokan gipangulohan sa Board of Directors ug mga opisyal sa kooperatiba.
Gidayeg ni PARPO II Daisy Dell Suan Digamon ang proyekto ug mipahayag sa iyang padayon nga suporta sa mga inisyatiba sa DAREMCO nga nagtumong sa pagpalig-on ug pagpaangat sa komunidad. Giingon niya nga ang maong lakang nagpakita sa tin-aw nga paningkamot sa organisasyon sa paghatag og konkretong serbisyo sa katawhan.
Mitambong sa turn-over sila DAREMCO Board Chairwoman MARPO Anjanette V. Namiaga, PARPO I Engr. Alfonso A. Tan, MARPO Antonio O. Tagulob, SARPO Christy P. Gonzales, Acct. II Mary Cherel L. Buburan, CARPO Teodulo J. Yanoyan Jr., ug mga personnel sa DARPO Zamboanga del Norte. Nisaka usab ang mga opisyal sa barangay lakip si Kagawad Liza S. Jarmin ug VAWC/ASH Desk Officer Mary Grace Agustin.
Sumala sa mga opisyal, ang gi-upgrade nga footbridge dili lamang para sa mga residente sa Sta. Isabel kundili magsilbi usab nga mas luwas nga agianan sa mga empleyado sa DAR padulong sa highway ug sa Dipolog City Integrated Bus and Jeepney Terminal. Nagpasalamat ang barangay sa maong proyekto nga naghatag og dugang kaluwasan sa mga molabang matag adlaw.(JENIFFER JR. DELICA)
Source: DAR Zambonorte