Gipahigayon sa Department of Agrarian Reform o DAR Zamboanga del Norte ang orientation ug Memorandum of Agreement o MOA signing alang sa mga DAR Scholars sa Top Plaza, Dipolog City, isip kabahin sa pagsaulog sa ika-38 nga anibersaryo sa Comprehensive Agrarian Reform Program o CARP. Gipangunahan kini ni Provincial Agrarian Reform Program Officer II Daisy Dell Suan Digamon pinaagi sa Program Beneficiaries Development Division ubos ni PARPO I Engr. Alfonso A. Tan.
Ang DAR Scholarship Program nagtumong sa paghatag og higayon sa mga anak ug apo sa agrarian reform beneficiaries nga makapadayon sa higher education, ilabi na sa agriculture-related courses. Sukad gilunsad ang provincial scholarship program niadtong 2015, nakaproduce na kini og 75 ka graduates gikan sa nagkalain-laing agriculture courses alang sa school years 2020–2021 hangtod 2025–2026, nga gipondohan pinaagi sa Fiduciary Fund for Agrarian Reform Education o FARE.
Kabahin sa kalihokan ang MOA signing tali sa DAR ug Jose Rizal Memorial State University o JRMSU isip partner institution sa scholarship program. Gipahayag usab sa mga bag-ong graduates nga sila Nelbert Y. Baracol, April Gail E. Camanse, ug Chessalyn E. Mohametano ang ilang pagpasalamat sa programa, samtang gipadayag ni Antonia E. Mohametano, inahan ni Chessalyn, ang iyang dakong pasalamat tungod sa pagkahuman sa iyang anak og degree ug pagkahimong propesyonal.
Gitambongan usab ang kalihokan sa mga opisyal gikan sa DAR Central Office ug JRMSU, lakip sila ARCDS Director Agnes B. Mendoza, PCAO Samuel Andrew A. Baliton, CPA, ug JRMSU Katipunan Campus Director Dr. Leonardo J. Zamoras, uban sa mga personnel sa DAR Central ug Provincial Offices. Gipasiugda sa kalihokan ang padayong suporta sa DAR sa edukasyon ug pagpalambo sa mga batan-on nga benepisyaryo sa agrarian reform.(JENIFFER JR. DELICA)
Source: DAR Zamboanga del Norte