Nangulo ang Department of Agrarian Reform (DAR) sa Zamboanga del Norte sa usa ka orientation sa Magna Carta of Women isip kabahin sa pagsaulog sa National Women’s Month nga gihimo sa Missio Dei Hotel.
Gipangulohan kini ni Daisy Dell Suan Digamon, Provincial Agrarian Reform Program Officer II (PARPO II), kauban si Alfonso A. Tan, PARPO I; Avito G. Zamora, PARAD; Samuel Andrew A. Baliton, PCAO/CBTA Coordinator for Implementers; Leo Santiago M. Briones, Chief Legal Officer; ug Teodulo J. Yanoyan Jr., CARPO/LTID, pinaagi sa Support to Parcelization of Lands for Individual Titling (SPLIT) Project.
Tumong sa oryentasyon ang pagpalig-on sa kahibalo sa mga partisipante mahitungod sa mga probisyon sa Republic Act No. 9710, nga naghatag og proteksyon ug gahum sa kababayen-an sa nasod.
Matod ni PARPO II Digamon, ang Magna Carta of Women usa ka importante nga legal nga balangkas aron mapanalipdan ug mapalambo ang kahimtang sa kababayen-an, ilabi na sa mga rural nga komunidad.
Gipasiugda usab niya ang padayon nga paningkamot sa DAR sa pagpatuman sa mga programa nga nagpalig-on sa partisipasyon sa kababayen-an, naghatag og legal nga proteksyon, ug nagpalambo sa ilang papel sa kalamboan sa probinsya.(IKEN B. GULLEM)
Source: DAR ZAMBONORTE