Miturn-over og Certificates of Registration gikan sa Department of Labor and Employment (DOLE) ang Zamboanga del Norte 2nd Provincial Mobile Force Company ngadto sa Mamawan ALSA MASA Farmers’ Association ug Mamawan Women’s Association atol sa seremonya sa Barangay Mamawan, Baliguian, Zamboanga del Norte niadtong milabay nga adlaw.
Gipangunahan ang turnover ni 2nd ZNPMFC Force Commander Edwin D. Verzon, kauban ang R-PSB team ug sa koordinasyon ni Glenn Pascual, barangay chairman sa Mamawan.
Pinaagi sa maong sertipikasyon, opisyal nang giila sa DOLE ang duha ka asosasyon isip lehitimong workers’ organizations sa nasod, nga naghatag kanila og katungod sa pagpalambo sa kooperasyon, panalipod, ug kaayohan sa ilang mga miyembro.
Kabahin usab kini sa programa nga Revitalized Pulis Sa Barangay Program nga ipatuman sa ZN 2nd PMFC aron suportahan ang komunidad sa barangay pinaagi sa pagpalig-on sa organisasyon sa mga residente ug pagtabang sa ilang panginabuhian.(IKEN B. GULLEM)
Source: Zamboanga del Norte 2nd PMFC