Gitapos na sa Department of Agrarian Reform (DAR) Zamboanga del Norte ang 18-Day Campaign to End Violence Against Women and Children (VAWC) pinaagi sa usa ka thanksgiving mass nga gipahigayon sa provincial office niadtong Disyembre 12, 2025.
Ang kalihukan gipangulohan sa DAR Zamboanga del Norte ubos sa liderato ni PARPO II Daisy Dell Suan Digamon, isip timaan sa padayon nga paningkamot sa ahensya sa pagpanalipod sa katungod sa kababayen-an ug kabataan, ug sa pagpalig-on sa usa ka luwas ug matinahuron nga palibot sa trabaho ug komunidad.
Ang misa, nga gipangulohan ni Rev. Fr. Juncil Andalahao, nagsilbing espiritwal nga pasalamat ug pahimangno sa responsibilidad sa matag empleyado sa DAR sa pagbarog batok sa tanang matang sa kapintasan ug diskriminasyon.
Gipahayag sa DAR Zamboanga del Norte nga padayon kini nga makighiusa sa nasudnong kampanya batok sa VAWC, ug magpadayon sa adbokasiya nga nagpunting sa kahibalo, panaghiusa, ug proteksyon alang sa matag babaye ug bata.(IKEN B. GULLEM)
Source: DAR Zambonorte