Gipadayon sa Department of Agrarian Reform Zamboanga del Norte ang ikaduhang adlaw sa ilang Quarterly Assessment alang sa Project SPLIT, diin gipresentar ang pisikal ug pinansyal nga kalampusan ubos sa pagpanguna ni PARPO II Daisy Dell Suan Digamon.
Gitaho sa Program Beneficiaries Development Division ang padayon nga paglig-on sa mga Agrarian Reform Beneficiary Organizations pinaagi sa technical assistance, training, ug pagpalapad sa access sa merkado ug pondo alang sa mga mag-uuma.
Gipresentar usab sa Municipal Agrarian Reform Program Officers ang ilang mga nahimo, uban sa diskusyon sa nagkalain-laing programa sama sa PAHP, BARC, ug uban pang inisyatiba nga nagtumong sa pagpaayo sa kahimtang sa mga benepisyaryo sa agrarian reform.
Gidayeg ni Digamon ang dedikasyon sa mga MARPO, nga giila isip frontliners sa paghatag serbisyo sa mga mag-uuma, samtang gipasiugda ang panaghiusa sa mga opisyal aron mapalambo ang malungtarong kauswagan sa sektor sa agrikultura.(JENNIFER JR. DELICA)
Source: DAR Zamboanga del Norte Province