Daling girespondehan sa Liloy Municipal Fire Station ang usa ka vehicular accident sa Barangay Patawag, Liloy, Zamboanga del Norte niadtong Abril 17, 2026 ubos sa pagpanguna ni FINSP Dave C. Dela Cruz, Acting Municipal Fire Marshal.
Pag-abot sa lugar, nakit-an ang pasyente nga naglingkod sa motorsiklo, buhi ug conscious, apan adunay posible nga dislocation sa kamot ug gagmayng samad sa nawong ug siko.
Gihatagan dayon og unang tabang ang pasyente lakip ang immobilization sa samad nga bahin gamit ang fracture splint, paglimpyo sa samad, ug pagbutang og sterile dressing.
Human sa inisyal nga pag-atiman, gidala ang pasyente pinaagi sa ambulance sa BFP padulong sa Liloy Integrated District Hospital alang sa dugang nga eksaminasyon ug pagtambal.(JENNIFER JR. DELICA)
Source: BFP R9 Liloy Fire Station