Nagtagbo ang Department of Agrarian Reform Zamboanga del Norte ug lokal nga panggamhanan aron palig-onon ang partnership ug mas mapadako ang suporta sa agrarian communities sa probinsya.
Gipangulohan ni PARPO II Daisy Dell Suan Digamon uban nila PARAD Atty. Avito G. Zamora ug MARPO Peter Paul R. Cajocon ang miting uban ni Vice Governor Atty. Julius C. Napigquit aron hisgutan ang logistics sa umaabot nga distribusyon sa COCROM titles ug farm equipment.
Sumala sa DAR, ang maong panagtinabangay nagtumong sa pagpalig-on sa serbisyo ngadto sa agrarian reform beneficiaries ug pagpaayo sa ilang kahimtang sa panginabuhi.
Gipasiugda nga pinaagi sa lig-on nga koordinasyon sa DAR ug LGU, mapadayon ang inklusibo ug malungtarong kalamboan sa mga komunidad sa probinsya.(JENNIFER JR. DELICA)
Source: Zamboanga del Norte Province