Mitambong ug aktibong miapil sa nasudnong komperensya ang mga opisyales sa Department of Agrarian Reform (DAR) gikan sa Zamboanga Peninsula alang sa paglatid sa direksyson tuig 2026 nga mga programa para sa mag-uuma.
Mipartisipar sa DAR CY 2025 National Year-End Summative Assessment ug CY 2026 Direction-Setting Conference, si Ramon E. Madroñal Jr., Regional Director sa DAR-IX, ug si Daisy Dell Suan Digamon, Provincial Agrarian Reform Program Officer II, uban sa ubang DAR officials sa rehiyon, nga gipahigayon sa Talisay City.
Gitutokan sa komperensya ang pagpares sa mga tumong sa agrarian reform ngadto sa konkretong mga resulta aron masiguro nga ang mga plano dili lang kutob sa papel kondili makita gyud ang epekto niini sa mga mag-uuma.
Kini nga inisyatiba nahiuyon usab sa panan-aw ni Conrado M. Estrella III, nga nagtinguha sa mas kusgan nga suporta alang sa sektor sa agrikultura ug sa padayon nga kalamboan sa mga komunidad sa kabanikanhan.(IKEN B. GULLEM)
Source: DAR Zambonorte