Mipahigayon og pagbisita ang mga doktor sa Philippine Dental Association (PDA) – Dipolog Dental Chapter ngadto kang Mayor Roberto Y. Uy aron magpasalamat sa suporta sa city government sa ilang bag-ong gihimong community service initiative.
Ubos sa pagpanguna ni Chapter President Ryan Niel Asprer ang delegasyon, kauban sila Dexter Paul Asprer, Cleese Paul Tabiliran, Ariane Bogay, Gerard Abalos, Jay Balabagan, ug Candelaria Jaralve nahimo kining malampuson.
Sa ilang pagbisita, gipadayag sa mga dentista ang ilang pasalamat sa tabang nga gihatag sa lokal nga panggamhanan, nga nakatampo sa kalampusan sa ilang outreach activity nga nagtumong sa pagpalambo sa kahimsog sa baba ug paghatag og libreng dental services sa komunidad.
Gipakita usab sa maong panagtagbo ang padayon nga panagtinabangay tali sa city government sa Dipolog City ug sa mga pribadong health professionals aron mapalig-on ang mga programa alang sa kahimsog ug kaayohan sa katawhan.(IKEN B. GULLEM)
Source: Dipolog City Government