Nagpahigayon ang Department of Agrarian Reform (DAR) Zamboanga del Norte og Seminar-Training on the Re-Echo of Republic Act 12009 o ang New Government Procurement Act ug sa Implementing Rules and Regulations (IRR) aron mapalig-on ang kahibalo sa mga kawani sa bag-ong mga lagda sa procurement.
Gipangunahan ang kalihokan ni PARPO II Daisy Dell Suan Digamon, Head of the Procuring Entity, uban sa mga miyembro sa Bids and Awards Committee (BAC). Atol sa seminar, gipasabot ang mga nag-unang kausaban sa bag-ong procurement law, lakip ang giusab nga mga proseso, procurement methods, documentary requirements, ug mga timeline sa pagpatuman sa mga proyekto sa gobyerno.
Gihisgutan usab ang paggamit sa digital procurement platforms, strategic procurement planning, market scoping, ug hustong pag-andam sa technical specifications aron mas mapauswag ang kalidad ug kaepektibo sa procurement process.
Kabahin usab sa maong kalihokan ang pagpalig-on sa prinsipyo sa transparency, accountability, ug value for money sa tanang transaksyon sa procurement, ingon man ang pag-andam sa mga opisina alang sa hingpit nga implementasyon sa RA 12009.
Gitambongan ang seminar sa mga opisyal sa DARPO, mga miyembro sa Bids and Awards Committee (BAC), BAC Technical Working Group (TWG), BAC Secretariat, ug uban pang mga kawani sa ahensya nga aktibong miapil sa mga diskusyon ug learning sessions.(IKEN B. GULLEM)
Source: DAR Zamboanga del Norte Province