Gidawat sa Office of the City Vice Mayor sa Dapitan City ang delegasyon gikan sa Municipality of Manticao, Misamis Oriental nga gipangulohan ni Mayor Stephen Tan uban sa iyang First Lady ug Municipal Councilor Charisma Bañes atol sa ilang courtesy visit sa siyudad.
Tumong sa maong pagbisita ang pagpalig-on sa panaghiusa ug pagbinayloay og mga ideya ug maayong pamaagi sa lokal nga pangagamhanan aron mas mapalambo pa ang serbisyo publiko alang sa katawhan.
Kabahin usab sa kalihukan ang paglibot sa Session Hall diin gihisgutan sa mga lokal nga lider ang mga best practices sa governance ug mga programa nga makatabang sa kalamboan sa ilang tagsa-tagsa ka lugar.
Gipasalamatan usab ang suporta ug maayong pag-atiman ni Hon. Alexandra Judith Meily nga mitabang sa pag-accommodate sa mga bisita atol sa ilang pagpabilin sa Dapitan City.
Matud sa mga opisyales, ang maong panagtagbo usa ka lakang aron mapalig-on ang kooperasyon ug maayong relasyon tali sa mga lokal nga lider sa lain-laing lungsod ug siyudad.(IKEN B. GULLEM)
Source: Vice Mayor Cad