Aktibong nakig-uban ang personahe sa Bureau of Fire Protection (BFP) Katipunan sa selebrasyon sa ika-44 nga Founding Anniversary sa Barangay New Tambo pinaagi sa walkathon activity nga gihimo niadtong Mayo 28, 2026.
Ubos sa pagpanguna ni FINSP Richard A. Parame, naghatag og seguridad ug asistensya ang BFP personnel aron masiguro ang kaluwasan sa tanang partisipante atol sa maong kalihukan.
Gipakita sa BFP Katipunan ang ilang dedikasyon dili lamang sa fire prevention ug emergency response kondili usab sa pagpalig-on sa panaghiusa ug maayong relasyon sa komunidad pinaagi sa aktibong partisipasyon sa mga kalihukan sa barangay.
Napuno sa kalingawan, kolor, ug panaghigalaay ang walkathon nga nahimong mas makalingaw ug makahuluganon nga bahin sa selebrasyon sa founding anniversary sa Barangay New Tambo.
Nagpahinumdom usab ang BFP Katipunan nga mahimong kontakon ang ilang opisina alang sa sunog ug uban pang emerhensya.(IKEN B. GULLEM)
Source: BFP R9 Katipunan Fire Station