Mirepresentar isip Reyna Elena si Mayor Evelyn “Belen” T. Uy atol sa opening parade sa Saulog 2026 diin iyang gidala ang simbolo sa tradisyon ug debosyon pinaagi sa maanyag nga presentasyon sa Dapitan City delegation.
Nagsul-ob og elegante nga puting gown ug nagkorona, misakay ang mayor sa floral-inspired float nga nagrepresentar sa Flores de Mayo, usa sa labing nailhang tradisyong Pilipino nga nagpasidungog sa Mahal nga Birhen Maria. Ang iyang paghulagway nakadani sa atensyon sa mga nanan-aw nga nagtupong sa parade route.
Gidawat sa palakpak ug hugyaw sa publiko ang paglabay sa float samtang daghan usab ang nakadayeg sa maampingong dekorasyon ug graceful nga pagpresentar ni Mayor Uy isip Reyna Elena.
Pinaagi sa iyang partisipasyon, gipakita ni Mayor Uy ang paghatag bili sa kultura ug tradisyon isip kabahin sa selebrasyon sa Saulog 2026 nga gitambongan sa liboan ka residente ug bisita sa probinsya.(IKEN B. GULLEM)
Source: Zamboanga del Norte Provincial News Network