Gisugdan sa City Government of Dapitan ang pagpangandam alang sa umaabot nga dagkong kalihokan sa syudad sama sa Kinabayo Festival ug Charter Day atol sa ilang ikalimang Monthly Executive Meeting niadtong Mayo 5, 2026 sa SP Session Hall.
Gipangunahan ni City Administrator Danilo S. Areños Jr. ang miting uban sa mga department heads ug chiefs of offices diin gihisgutan ang mga hagit sa matag departamento ug mga paagi aron mapadayon ang hapsay nga serbisyo publiko sa syudad.
Gipunting usab sa panagtigum ang kaayohan sa mga empleyado ilabi na ang mandatoryong pagparehistro sa mga Job Order workers sa YAKAP Program pinaagi sa City Health Office aron mahatagan sila og benepisyo ug suporta sa panglawas.
Lakip usab sa gihisgutan ang Batang Dasig Summer Workshop ug ubang dakong kalihokan sa syudad, samtang nanawagan ang administrasyon sa mas lig-on nga koordinasyon sa mga opisina aron masiguro ang kalampusan sa mga selebrasyon.(JENIFFER JR. DELICA)
Source- City Information Division-Dapitan