Usa ka chess tournament alang sa mga tinun-an ang ipahigayon,diin napili ang Dapitan nga mao ang mag host sa NCFP’s Youth Chess Grand Finals nga naglatid sa “Third Mayor Seth Frederick P. Jalosjos National Age Group Chess Championships Grand Finals” gikan Hunyo 22 hangtod Hunyo 30,2024,dakbayan sa Dapitan.
Usa kini ka culmination sa tulo ka qualifying tournaments sa tibuok nasod diin mokabat sa 120 ka mga partisipante nga nagpangidaron og 10 ngadto sa 18 anyos ang magtigi ubos sa pipila ka kategorya sa tinuig nga aktibidad,usa ka panagtambayayong tali sa National Chess Federation of the Philippines (NCFP) ug sa City Government sa Dapitan.
Kini nagtumong sa torneyo, ug ang mo kampiyon sa mga kategoriya maoy morepresentar sa atong nasud sa 2024 ASEAN Age Group Chess Championships sa Vientiane, Laos karong Agosto.
Ang Mayor sa dakbayan sa Dapitan nga si Mayor Bullet, nihatag sa iyang hugot nga suporta ngadto sa mga kabatan-unan nga nagkampeyon sa dula nga chess sa Pilipinas, ug nagtataw isip usa usab siya ka chess player ug miyembro sa NCFP Board of Directors ug Chairman sa Committee, nga mudasig sa mga batan-on sa bag-ong henerasyon. (Medalyn U. Borja)
(Source: City Government of Dapitan)