Mikalihok dayon ang Dapitan City Fire Station Shift B sa pagtabang sa usa ka 57-anyos nga lalaki sa Taguilon, Dapitan City, nga nagreklamo og kusog nga kasakit sa tiyan ug naglisod sa pagginhawa. Ang pasyente nakaplagan nga conscious ug responsive apan taas ang tensyon sa dugo ug ubos ang oxygen saturation.
Gihatagan dayon siya og paunang tambal, lakip ang oxygen therapy sa 3 LPM, samtang gisusi iyang vital signs. Gisiguro usab sa mga bombero nga matagad dayon ang kondisyon sa pasyente ug maminusan ang risgo sa komplikasyon.
Tungod sa seryosong kahimtang, gihatud dayon ang pasyente ngadto sa balay tambalanan alang sa mas kompleto ug paspas nga medikal nga atensyon. Ang operasyon gimandoan ni Acting City Fire Marshal FSINSP Rommel M. Rojas ug sa iyang team sa Dapitan City Fire Station.(JENIFFER JR. DELICA)
Source: BFP R9 Dapitan City Fire Station