Nagpasundayag ang mga Agrarian Reform Beneficiaries (ARBs) ug ilang organisasyon gikan sa Zamboanga Peninsula sa Agraryo Trade Fair 2025 sa Gateway II Mall, Quezon City, nga nagpadayon gikan Disyembre 1 hangtod 5. Ang kalihukan nagpakita sa kalidad nga mga produkto sa mga mag-uuma ug sa ilang papel sa pagpalambo sa agrikultura ug ekonomiya sa nasud.
Gidala sa DAR ang oportunidad alang sa mga ARBs nga ibaligya diretso ang ilang produkto sa merkado sa syudad, lakip na ang organikong prutas, kape, bugas, delicacies, ug lokal nga handicrafts. Pinaagi sa maong trade fair, napalig-on ang kinitaan sa mga mag-uuma samtang gipalapdan ang ilang merkado ug gipakita ang kalidad sa ilang produkto.
Gipangulohan sa Regional Director Atty. Ramon E. Madronal, Jr., kauban ang mga kawani sa ARBDSP Division, ang delegasyon sa Zamboanga Peninsula aron masiguro ang malampusong pagpasundayag sa ilang produkto. Gi-awhag ang publiko sa pagbisita sa Agraryo Trade Fair samtang nagpadayon kini hangtod Disyembre 5 aron masuportahan ang mga lokal nga mag-uuma.(JENIFFER JR. DELICA)
Source/Photo Courtesy: DAR Region IX