Gipahigayon sa Regional Legal Services ang kalit nga inspeksyon ubos sa Justice on Wheels (JOW) program sa pipila ka estasyon sa Bureau of Fire Protection (BFP) sa Zamboanga Peninsula uban ni Fire Chief Inspector Genel H. Cagulada kauban sila FCINSP Rommel S. Carpio ug FSINSP Randall S. Carpio. Gitutukan sa pagbisita ang pagtuman sa standard sa Bureau of Fire Protection.
Gisusi sa JOW Team ang hustong pagsul-ob sa uniporme, implementasyon sa 7S of Good Housekeeping, ug uban pang protocol nga may kalabotan sa disiplina ug kahiklin sa estasyon. Gipasabot usab nila ang bag-ong direktiba ug gihatagan og legal ug teknikal nga tambag ang mga personnel.
Padayon nga gitutukansa BFP Region IX ang pagpalig-on sa serbisyo ug propesyonalismo pinaagi sa Justice on Wheels aron masiguro nga ang tanan nilang estasyon magpabiling andam, disiplinado, ug mosubay sa standard sa operasyon.(JENIFFER JR. DELICA)
Source/Photo Courtesy: Bureau of Fire Protection Region IX