Gipakita sa Local Government Unit (LGU) sa Dapitan ang padayon nga suporta sa mga solo parent pinaagi sa pag-apil sa Solo Parents Week 2026, nga gipangulohan sa City Social Welfare and Development Office (CSWDO) ubos ni Marilyn Saldon-Sy, nga gipahigayon gikan Abril 13 hangtod karong umaabot 18.
Kini nga kalihokan kabahin sa nationwide observance nga nagtumong sa pag-ila sa kakugi ug sakripisyo sa mga solo parent, subay sa temang “Hindi ka nag-iisa sa iyong pag-iisa.”
Kaabag sa LGU ang Department of Social Welfare and Development (DSWD) sa pagpatuman sa mga programa ug serbisyo nga nagpalig-on sa kapasidad sa solo parents, lakip ang social protection ug empowerment initiatives nga makatabang sa ilang adlaw-adlaw nga panginahanglan.
Sumala sa LGU, ang maong selebrasyon dili lang pasidungog kondili usa ka plataporma sa pagpasalig nga magpadayon ang inklusibong serbisyo aron masiguro nga walay solo parent nga mabiyaan sa ilang panaw.(IKEN B. GULLEM)