Midawat si City Mayor Roberto Y. Uy sa mga opisyal gikan sa Department of Agriculture (DA), Department of Trade and Industry (DTI), ug Criminal Investigation and Detection Group (CIDG) atol sa courtesy visit sa City Mayor’s Office niadtong hapon sa Hunyo 3.
Gipangulohan ang delegasyon ni DA Officer-in-Charge Regional Executive Director Vener L. Dilig uban si DA-APCO Zamboanga del Norte George B. Vallente ug DA-AMAD Chief Jonahlyn D. Corpuz.
Mitambong usab ang mga personnel gikan sa DTI Zamboanga del Norte Provincial Office ug mga representante sa CIDG nga sila Police Corporal Ferry Gardner S. Serenio, Police Patrolman Jade Evangelista, ug Police Patrolman Ryan T. Canghasgas.
Ang maong courtesy visit kabahin sa koordinasyon tali sa mga ahensya ug sa City Government of Dipolog alang sa ilang market monitoring activities sa dakbayan. Tumong sa inter-agency team ang pagmonitor sa presyo sa mga produktong agrikultural ug mga batakang panginahanglan aron masiguro ang patas nga presyo ug maprotektahan ang mga konsumidor.(IKEN B. GULLEM)
Source: Dipolog City Government