Nagpadayon sa pagpalapad sa livelihood program ang R-PSB Team sa Zamboanga del Norte 2nd Provincial Mobile Force Company pinaagi sa pag-apod-apod ug pagtanom og dugang 150 ka Banana Lakatan seedlings kauban ang Cympil Situbo Alsa Masa Farmers Association sa Purok Orchid, Barangay Situbo.
Kini nga kalihokan gihimo ubos sa pagdumala ni PLTCOL Edwin D. Verzon, Force Commander, isip kabahin sa padayon nga suporta sa kapulisan sa mga community-based development programs sa maong lugar.
Sumala sa ZN 2nd PMFC, dugang kini sa kasamtangang Banana Lakatan plantation sa asosasyon aron mapalapdan pa ang ilang panginabuhian ug mapalig-on ang food security sa komunidad.
Gilauman usab nga makatabang ang maong proyekto sa pagdugang sa produksyon ug pagmugna og dugang kita alang sa mga mag-uuma nga benepisyaryo samtang gipalambo ang sustainable agricultural practices sa Barangay Situbo.(IKEN B. GULLEM)
Source: PNP Zamboanga del Norte 2nd PMFC