Dipolog: COVID 19 Response Regional Assessment Gipahigayon Dinhi Sa Dakbayan

0
267

Gipahigayon adlawa nung Oktubre 13, 2021 sa alas 2:00 ang takna sa hapon ang “Regional Assessment COVID 19 Response” pinaagi sa Regional COVID 19 Task Force, didto sa 2nd floor, Museo De Dipolog, ning siyudad.

Kining maong kalihokan ang gihimo aron sa pagtuki sa mga nahimong resulta sa gihimong pagsusi pinaagi sa COVID 19 Task Force dinhi sa rehiyon ang padayong pagpatuman ug pagdumala sa mga aksiyon ug lakang nga gisagop sa kagamhanang lokal ning atong dakbayan ubos sa liderato ni City Mayor Darel Dexter T. Uy, isip tubag ngadto sa COVID 19 sukad kita sugod nga nagpatuman dinhi sa atong siyudad, niadtong Marso 18, 2020.

Ang nahisgotang Regional Assessment Team ang mi-ebalwar sa mga nagkalain-laing aspeto nga naglambigit sa kinatibuk-ang pagdumala sa tubag o response ngadto sa atong nasinating pandemya dinhi sa atong lokalidad sama sa: A) Functionality sa Local Task Force against COVID 19,

Implementation of Vaccine Administration Management System C) Issued Policy on the implementation of Minimum Health Protocols, D) Organization of Response Cluster System E) Implementation of Zoning Containment Strategy F) Presence of Functional Incident Command System G) Presence of Mechanism in Handling LSIs and ROFs ug daghanan pa.

Sa kinatibuk-ang assessment nga gihimo sa nasangpit nga Team, kini ang mibutyag nga ang dakbayan sa Dipolog ang halos nakatuman sa tanang mga gitakdang gabay pinaagi na sa atong DOH ug RIATF dinha sa pagtubag sa mga nagkalain-laing suliran nga nasinati panahon ning pandemya, gani dugang kining mibutyag uban sa pagpahalipay ngadto sa kagamhanang lokal ning siyudad pinaagi ni Mayor Darel Uy, tungod sa inisyatibo niini pinaagi sa pagmugna sa mga “Best Practices” kalabot gihapon sa COVID 19 sama sa 1) Paggamit sa QR Tracer wristband alang sa masayon nga pag-ila sa mga natakboyan sa COVID 19, nga gidid-ang magsuroy-suroy, 2) Paggamit sa CCTV Thermal scanner dinha sa pipila ka mga pampublikong dapit 3) pagpahigayon sa Mental Health/Psychosocial Programs alang sa komunidad ug sa kamahinungdanon sa bakuna 4) pagmugna sa COVID 19 SAFETY MARSHALS (COSAMA) dinhi sa dakbayan, ug sa pagmugna usab sa Child Friendly Isolation Facility.

Dugang usab nga gibutyag sa COVID 19 Regional Assessment Team, nga sa ilang paghimo og assessment dinhi sa rehiyon, ang dakbayan sa Dipolog lamang ang mihimo og inisyatibo aron sa pagpangita sa dugang mga gabay nga makatabang dinha sa atong pagpakigbisog batok sa COVID 19.

Ang gihimong assessement kalabot sa COVID 19 Response kagahapong adlawa ang gitambongan mismo nila ni City Mayor Darel Dexter T. Uy, Acting City Administrator, Atty. Prince Edwin I. Gonzales, City Health Officer, Dr. Rowel Mata, mga personahe gikan sa CDDRMO, Health workers gikan sa City Health Office, City Epidemiology and Surveillance Unit (CESU), Corazon Aquino Hospital uban sa pipila ka mga kawani gikan sa kagamhanang lokal ning dakbayan.

Ang COVID 19 Regional Assessment Team ang gilangkoban nila ni Reinier Alberto,(DOH IX,), Jenner P. Pandan (OCD IX), PLT. Dexter Villanueva (PNP-RO9), Christopher Justinne Luna (DSWD IX) Yvonne Abadano (LGOO-DILG-ZDS), Joavan Rae Lim (DOH IX) ug John Enrilou Go (DOH-PFO, ZDN). (City Information Office)

(Source: Dipolog City Government Facebook page)

LEAVE A REPLY

Please enter your comment!
Please enter your name here