Nagdawat na og aplikasyon ang Corazon C. Aquino Hospital sa Dipolog City alang sa mga bag-ong lisensyadong doktor nga gustong mosulod isip Residents on Duty aron mapalig-on ang serbisyong medikal sa ospital.
Gipahibalo sa pamunuan nga ang programa bukas sa mga Doctor of Medicine nga lisensyado na ug andam motuman sa duty schedule, uban sa tumong nga makahatag og dugang manpower sa ospital.
Gilauman usab nga ang mga aplikante magpakita og malasakit, propesyonalismo ug dedikasyon sa serbisyo publiko samtang nagserbisyo sa nagkalain-laing pasyente sa komunidad.
Sumala sa CCAH, ang maong oportunidad maghatag og praktikal nga kasinatian sa mga batan-ong doktor samtang nagpadayon ang ospital sa pagpalig-on sa serbisyo panglawas alang sa katawhan sa Dipolog ug kasikbit nga lugar.(JENIFFER JR. DELICA)
Source: Zamboanga del Norte Provincial News Network