Gisugdan ang pagtukod sa ₱50-milyon nga farm-to-market road sa Sindangan nga magdugtong sa Barangay Upper Nipaan, Lapero ug Joaquin Macias aron mapalambo ang transportasyon sa mga mag-uuma.
Gipangunahan ang groundbreaking ceremony sa Department of Agrarian Reform Zamboanga del Norte uban sa mga lokal nga opisyal lakip si Congresswoman Irene G. Labadlabad ug Mayor Glona G. Labadlabad, nga nagpakita sa hiniusang suporta sa proyekto.
Sumala sa DAR, ang duha ka kilometro nga dalan makatabang sa pagpasayon sa pagdala sa mga produkto ngadto sa merkado, pagminus sa gasto sa transportasyon ug pagdugang sa kita sa mga mag-uuma.
Gipasiugda usab nga ang maong proyekto kabahin sa paningkamot sa gobyerno sa pagpalambo sa kabanikanhan, aron mapaduol ang mga barangay sa oportunidad ug mapalambo ang panginabuhian sa mga residente.(JENIFFER JR. DELICA)
Source: DAR Zamboanga del Norte Province