Giimbitar sa programang Tandem Express sa RPN DYKC Cebu nga gidumala nila Renante Lada ug Ting Joe Pepito kagahapong adlawa, Sept. 3, 2025, si PLT. Ritchel Tejano, Deputy Chief sa City Community Affairs and Development Unit sa Mandaue City Police Office (MCPO).
Atol sa panag-istorya, gihisgutan ni PLT. Tejano ang lain-laing kalihokan nga ipatuman sa pag-obserbar sa National Crime Prevention Week nga naglangkob sa kampanya batok kriminalidad ug pagpadasig sa kahimtang sa kalinaw ug kahapsay.
Iyang gipaambit nga ang pagpakig-uban sa katawhan ug mga komunidad usa sa pinaka-epektibong paagi aron mapugngan ang major crimes, ilabi na sa lokal nga lebel. Iya usab gipadayag ang mga tips aron dili mabiktima sa nagkadaiyang matang sa krimen.
Gibutyag usab ni Tejano nga adunay kooperasyon tali sa mga lokal ug nasyonal nga otoridad aron mas masiguro ang epektibong pagpatuman sa mga lakang batok sa kriminalidad. Ang koordinasyon sa tanang sektor, lakip na ang barangay, eskuylahan ug pribadong organisasyon, importante alang sa kalampusan niini.
Gidapit sa opisyal ang katawhan sa Mandaue ug tibuok Sugbo nga mosuporta ug makiglambigit sa mga programa sa kapulisan, tungod kay ang kalinaw ug seguridad dili lamang responsibilidad sa mga pulis apan sa matag-usa nga lumulupyo.
I via Renante Socia Lada#tandemexppress