Sikop sa mga kapolisan ang usa ka lalaki nga giilang si alyas “JAKE,” 19 anyos, usa ka construction worker, atol sa gipahigayon nga law enforcement operation didto sa Sitio Pakuan, Barangay Sukah-Sukah, lungsod sa Sapa-Sapa, Tawi-Tawi niadtong nakalabay nga mga adlaw.
Ang pagkasikop pinasikad sa warrant of arrest nga gi-isyu sa Regional Trial Court Branch 27 sa Siocon, Zamboanga del Norte,sa kasong Statutory Rape, nga walay gikarekomendang piyansa ang korte niini.
Ang operasyon gipangulohan sa mga personahe sa Siocon Municipal Police Station, Sapa-Sapa Municipal Police Station, 2nd Provincial Mobile Force Company, ug 1st Special Operations Unit-Tawi-Tawi, resulta sa malampusong pagkasikop sa suspetsado.
Sa pagkakaron dinakpan ang gidala gilayon sa Sapa-Sapa MPS alang sa kasong ipahamtang batok kaniya.(ANGELICA T. OBINA)
Source: ZNPPO