Padayon ang hugot nga kampanya sa Police Regional Office 7 (PRO-7) batok sa krimen human masikop ang Top 5 Most Wanted Person sa Rehiyon ug daghang uban pang high-profile nga pinangita sa synchronized nga operasyon niadtong Mayo 27, 2025.
Lakip sa mga nasikop mao ang ikalima nga most wanted sa rehiyon nga nasikop sa Sitio Cambuntan, Barangay Bolinawan, Carcar City, Cebu.
Ang suspek mag-atubang sa unom ka kaso sa Statutory Rape ilawom sa Article 266-A sa Revised Penal Code, nga giamendar sa RA 8353 ug RA 11648. Gipasakaan siya og warrant of arrest gikan sa Family Court, 7th Judicial Region, Talisay City, nga walay gi-rekomendar nga piyansa.
Sa samang adlawa, nasikop usab ang Top 10 Most Wanted sa lalawigan sa Cebu nga nalambigit sa Section 11, Article 2 sa RA 9165 o Comprehensive Dangerous Drugs Act of 2002. Ang warrant of arrest gipagawas sa Regional Trial Court sa Mandaue City.
Sa laing operasyon sa Brgy. La Esperanza, Dagohoy, Bohol, giapil sa mga sakop sa Dagohoy ug Sogod Municipal Police Stations sa tabang sa Bohol Police Provincial Office (BPPO) ang pag-serve og warrant of arrest batok sa duha ka lalaki nga suspek nga nag-atubang sa kaso nga Murder. Ang warrant gipagawas sa RTC Branch 101 sa Talibon, Bohol, nga walay piyansa usab.
Gipasidunggan ni PBGEN Redrico A. Maranan, Regional Director sa PRO-7, ang mga sakop sa operasyon ug giila ang determinado nga baruganan sa rehiyon batok sa kriminalidad.
“PRO7 will not allow the communities of Central Visayas to be playgrounds for criminal syndicates. Every operation we launch is backed by solid intelligence and carried out with precision. There will be no safe haven, no blind spot, and no compromise.”
Gipadayag usab sa PRO-7 ang panawagan sa publiko sa aktibong kooperasyon sa pagreport sa mga pinangita nga kriminal aron masiguro nga matagam-taman ang hustisya.
Source: PRO7
I via Renante Socia Lada