Gidakop sa mga sakop sa Labason Municipal Police Station sa gipahigayon niining Anti-Illegal Operation ang usa ka 42 anyos nga mananagat pasado alas 11 ang takna sa buntag, Mayo 26,2025 didto sa Barangay Dansalan , Labason, Zamboanga del Norte.
Naila ang dinakpan nga usa ka 42 anyos nga lalaki,minyo usa ka mananagat ug residente sa nasangpit nga Barangay kinsa nasakpan sa akto nga nalambigit sa ilegal nga pagpanagat,usa ka paglapas sa Municipal Ordinance No. 207 nga nailhan usab nga Illegal Fishing.
Atol sa operasyon, narekober sa mga PNP personnel ang Usa ka unit nga motorized banca puti/asul ang kolor, nga adunay gibanabana nga kantidad nga P25,000.00.
Ang dinakpan nga indibidwal ug nakumpiska nga mga kahimanan sa pagpanagat gi-turnover ngadto sa Office of the Municipal Agriculture (OMA) ug Bantay Dagat alang sa tukmang disposasyon.(MEDALYN U. BORJA)
Source: ZNPPO