Nakigpulong si 3rd District Representative Cong. Adrian Amatong kang Sen. Bam Aquino aron hisgutan ang nagpadayong kakulang sa mga classroom sa 3rd District sa Zamboanga del Norte, kaniadtong Nobyembre 18, 2025.
Sa maong panagtagbo, mipadayag si Sen. Aquino sa iyang kusog nga suporta ug mitugot sa pagtabang sa pagpondo sa pagtukod sa dugang mga classroom alang sa distrito. Iyang giila nga ang pagsulbad sa backlog usa ka dugayng proseso nga manginahanglan ug padayon ug lig-on nga paningkamot sa mga mosunod nga katuigan, ug andam siyang makigpartner niini.
Gawas sa classroom backlog, nagsabot usab si Cong. Amatong ug Sen. Aquino nga magtrabaho ug kauban sa paghimo og balaodnon nga magtukod ug “catch-up plan” alang sa mga kabus nga probinsya. Tumong niini nga programa ang paghatag ug dugayng solusyon ug patas nga kalamboan ngadto sa mga komunidad nga dugay nang nabyaan sa pag-uswag.
Mapasalamaton ang Team A ug ang katawhan sa 3rd District of Zamboanga del Norte sa suporta, pagkamatinabangon, ug pagpakabana ni Sen. Bam Aquino sa kaayuhan ug paglambo sa distrito.(IKEN B. GULLEM)
Source: Team Adrian Amatong