Mas gipakusgan pa sa Lokal nga Pangagamhanan sa Gutalac ang ilang paningkamot alang sa maayong pagdumala sa katawhan pinaagi sa aktibong pag-apil sa Commission on Audit Entrance Conference 2025, ubos sa liderato ni Municipal Mayor Eddie Justin Quimbo, kaniadtong Nobyembre 18, 2025.
Mitambong sa maong panagtigom ang tanang department heads, OICs, designates, ug ilang mga representante, kini usa ka timailhan sa hugot nga pagpaningkamot sa LGU sa pagpalambo sa transparency, accountability, ug limpyo nga pangagamhanan.
Sa paggiya sa COA ug sa determinadong liderato ni Mayor Quimbo, nagpadayon ang munisipyo sa Gutalac sa ilang misyon nga ipatuman ang Excellent Just Quality Service alang sa tanang Gutalacnons.
Gipadayag usab sa LGU nga ang maong kolaborasyon dili lamang kay panagtambayayong sa COA, apan usa ka lakang aron mapalig-on ang internal systems, mapauswag ang mga proseso, ug masiguro nga ang serbisyo publiko mapadagan uban sa tinuoray nga integridad, kaisog, ug pagkamatinud-anon.(IKEN B. GULLEM)
Source: LGU Gutalac- Public Information