Nakigpulong si Zamboanga del Norte 3rd District Rep. Ian Amatong uban ni Senior Deputy Minority Leader ug ML Partylist Rep. Leila de Lima sa usa ka delegasyon gikan sa International Federation for Human Rights (FIDH) aron hisgutan ang kahimtang sa human rights advocacy sa Pilipinas.
Kini nga miting kabahin sa serye sa konsultasyon nga gihimo sa FIDH delegation sa mga non-government organizations ug mga magbubuhat og balaod sa nasud. Tumong niini nga makakuha og mas lawom nga pagsabot sa kasamtangang kahimtang sa pagpanalipod sa tawhanong katungod sa Pilipinas.
Sa diskusyon, gihisgutan usab sa mga magbubuhat og balaod ang ilang panan-aw bahin sa mga balaod nga may kalabotan sa human rights ug ang mga inisyatiba sa Kongreso aron mapalig-on pa ang pagpanalipod sa mga batakang kagawasan sa katawhan.
Ang delegasyon sa FIDH gipangulohan ni Asia Desk Director Andrea Giorgetta, nga giila isip usa sa pinakadaan nga internasyonal nga organisasyon nga nagpanalipod sa tawhanong katungod sa kalibutan.
Mitambong usab sa miting si Antonio Tinio sa ACT Teachers Partylist ug mga representante sa opisina ni Krisel Lagman sa Albay 1st District, kauban ang uban pang miyembro sa FIDH delegation.(IKEN B. GULLEM)
Source: Team Adrian Amatong