Misalmot ang Department of Agrarian Reform (DAR) Zamboanga del Norte sa usa ka benchmarking activity nga gipahigayon sa DAR Regional Office VII sa Cebu, isip kabahin sa paningkamot sa ahensya nga mapalambo ang human resource management systems niini.
Gipangunahan kini sa DAR Zamboanga Peninsula ubos sa liderato ni Regional Director Atty. Ramon E. Madroñal Jr., kauban sila ARDO Engr. Agnes Y. Maata ug ARDA Rizzel B. Villanueva.
Nag-uban usab sa benchmarking activity ang DAR Zamboanga del Norte team nga gipangulohan ni Provincial Agrarian Reform Program Officer II (PARPO II) Daisy Dell Suan Digamon, kauban ang mga division chiefs nga sila PARAD Atty. Avito G. Zamora, CARPO Teodulo J. Yanoyan Jr., Chief Legal Atty. Leo Santiago M. Briones, ug PCAO Samuel Andrew A. Baliton, CPA. Apil usab sa delegasyon ang mga staff nga sila Accountant Mary Cherel L. Buburan, Alyssa Marie Alama, Eliza L. Porferio, Jenny M. Lariosa, ug Jovilyn B. Taghoy.
Tumong niini sa pagtan-aw ug pagkat-on sa mga best practices sa DAR Region VII, ilabi na sa automated systems ug documentary workflows sa human resource management.
Gilauman nga pinaagi sa maong pagbisita, mas mapalambo pa sa DAR Zamboanga Peninsula ang ilang internal processes ug mapadali ang pag-andam sa Evidence-Based Requirements (EBEs) alang sa sunod nga assessment sa CSC.(IKEN B. GULLEM)
Source: DAR Zambonorte