Gipalig-on ni Congressman Ian Amatong ang koordinasyon sa Department of Social Welfare and Development (DSWD) aron masiguro ang hapsay ug epektibong pagpatuman sa mga programa ug serbisyo alang sa mga komunidad sa 3rd District sa Zamboanga del Norte.
Atol sa iyang pagbisita karong buntaga sa DSWD Liloy Office, nakigpulong si Cong. Ian kang Ms. Mary Ann Mag-abo sa Social Welfare and Development (SWAD) Team, kauban sila Mr. Ernesto Ponteras ug Mr. Ian Rey Ego-ogan sa Sustainable Livelihood Program (SLP).
Gihisgutan sa grupo ang mga nagpadayon nga programa ug proyekto sa DSWD, lakip ang mga inisyatibo alang sa social welfare ug livelihood, ug ang panginahanglan sa padayon nga koordinasyon aron mas hapsay nga mahatod ang serbisyo ngadto sa mga benepisyaryo sa lain-laing komunidad sa distrito.
Pinaagi sa mas lig-on nga koordinasyon tali sa mga opisina, gitutokan ang pagpaabot sa mga programa ngadto sa hustong mga benepisyaryo ug pagresponde sa mga panginahanglan sa katawhan.(IKEN B. GULLEM)
Source: Team Adrian Amatong