Misangpot sa pagtukod og farmers’ association ang community profiling ug socio-economic assessment nga gipahigayon sa Zamboanga del Norte 2nd Provincial Mobile Force Company (PMFC) R-PSB Team sa Barangay Ipilan, Salug niadtong Hulyo 18.
Pinaagi sa mga konsultasyon ug interbyu, natala ang mga batakang impormasyon bahin sa populasyon, panginabuhian ug mga prayoridad nga panginahanglan sa komunidad.
Gipadayag sa mga residente ang ilang mga nag-unang hagit, lakip ang kakulang sa oportunidad sa panginabuhian, suporta sa agrikultura, kapital ug uban pang sosyo-ekonomikong suliran.
Human sa konsultasyon, nag-organisa ang mga mag-uuma og asosasyon ug nagpili sa ilang mga opisyal aron mangulo sa grupo ug magrepresentar niini sa pakigkoordinar sa mga ahensya sa gobyerno ug mga organisasyong motabang sa pagpatuman sa mga programa alang sa ilang komunidad.(IKEN B. GULLEM)
Source: PNP Zamboanga del Norte 2nd PMFC