Nasikop sa mga operatiba sa kapulisan ang usa ka lalaki nga giingong nagbaligya og ilegal nga droga atol sa buy-bust operation nga gipahigayon sa Purok 7, Barangay Bagongon, Compostela, Davao de Oro niaging gabii.
Giila sa mga otoridad ang suspek pinaagi sa alyas “Gay,” nga giklasipikar isip Street-Level Individual (SLI) ug residente sa maong lugar.
Narekober sa operasyon ang gidudahang shabu ug uban pang ebidensya nga may kalabotan sa ilegal nga kalihokan. Ang suspek anaa na karon sa kustodiya sa Compostela Municipal Police Station samtang gipahigayon ang hustong dokumentasyon ug pag-andam sa kasong ipasaka batok kaniya tungod sa giingong paglapas sa Republic Act 9165 o Comprehensive Dangerous Drugs Act of 2002.
Gipadayon sa kapulisan ang ilang kampanya batok sa ilegal nga droga ug nanawagan sa publiko nga magtinabangay pinaagi sa pagreport sa mga suspetsadong kalihokan aron mapadayon ang kalinaw ug kaluwasan sa komunidad.(Camille Santos Naraga)(Source: Compostela MPS)