Gipahigayon sa Zamboanga del Norte 1st Provincial Mobile Force Company ang Community Outreach Program ug Information Drive sa Barangay Kauswagan, Sergio Osmeña, Zamboanga del Norte isip kabahin sa pagsaulog sa ika-31 nga Police Community Relations o PCR Month.
Nakabenepisyo ang mga residente sa libre nga medical check-up, feeding program, haircut, ug livelihood demonstration sa paghimo og squash puto. Gipahigayon usab ang mga lecture kabahin sa kalinaw ug kahapsay, Executive Order No. 70, ug Anti-Terrorism Law aron mapalig-on ang kahibalo sa komunidad.
Nahimong posible ang maong kalihokan pinaagi sa panagtinabangay sa 901st Maneuver Company sa Regional Mobile Force Battalion 9, Technical Education and Skills Development Authority o TESDA Dipolog, Sergio Osmeña Rural Health Unit, ug Barangay Local Government Unit sa Barangay Kauswagan.
Sumala sa kapulisan, kabahin kini sa ilang padayon nga paningkamot sa pagpalig-on sa panag-uban sa komunidad pinaagi sa paghatag og serbisyo, pagdasig sa partisipasyon sa katawhan, ug pagmintinar sa kalinaw ug kaluwasan sa lugar.(JENIFFER JR. DELICA)
Source: PNP Zamboanga del Norte 1st Provincial Mobile Force Company